Google ADS

Publikohet një video e Maradonës duke pirë dhe tymosur pak para operacionit në tru

10:55 | 13 Dhjetor 2020
Arbresh.info

Një video e cila e shfaq Diego Maradonën duke pirë alkool dhe duke tymosur është bërë virale në rrjetet sociale, pak më shumë se dy javë pasi ai vdiq nga një sulm në zemër.

Në video, ish-heroi i Napolit mund të shihet në gjendje të dehur duke tymosur dhe me një shishe medikamentesh në tavolinë, transmeton Gazeta Express.Sipas mediave spanjolle, kjo kishte ndodhur pak ditë para se fituesi i Kupës së Botës të operohej në tru në La Plata.

Në video, Maradona shoqërohet nga Mariano Castro, një mik i ngushtë i tij me të cilin kishte qenë në rehabilitim në një klinikë në Kubë para disa vjetëve.Në një çast në këtë video, Maradona fillon të këndojë “ohhh… ne do të rikthehemi, ne do të rikthehemi, Marcos Paz ne do të rikthehemi…”

Kjo video është publikuar nga transmetuesi argjentinas, Canal 9, i cili pretendon se ngjarja kishte ndodhur vetëm tri ditë para se shëndeti i Maradonës të përkeqësohej dhe ai të dërgohej në spital për t’u operuar në tru. /Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm